Tanah Jawi (Kinanthi Sandung)

Nagari Jawi puniku,
kalangkung angrespateni,
ardinya abebarisan,
pinulet ilining kali,
pindha sarpa ing pasaban
luru kang kinarya bukti.

Marma ilining kang banyu,
karya gemah loh jinawi,
ing kebon lan pasabinan,
kebak klapa miwah pari,
pari paraning peparab,
sesebutan tanah Jawi.

Karasa-rasa ing kalbu,
marang kita bangsa Jawi,
samono sihing Hyang Suksma,
mring titahnya para janmi,
tan pegat ulun memuja,
mring sih kadarmaning Widi.

(Sinau Tembang Jawa - Ds. Reksa Darmadja)